ફિલ્મી ગઝલોનું નાનકડું પણ અનોખું વિશ્વ

ભગવાન થાવરાણી

કેવા કેવા ગીતકારો આ ઉત્ખનન દરમિયાન મળી આવ્યા છે ! એમાંના એક આ હર્ષ ટંડન.

૧૯૫૩ ની ફિલ્મ ઠોકરમાં નવ ગીત હતા અને સાત ગીતકાર ! ( મજાઝ લખનવી, પ્રેમ ધવન, રાજા મેંહદી અલી ખાન, ઉદ્ધવ કુમાર, કવિતા, શોર નિયાઝી અને આજના ગઝલકાર હર્ષ ટંડન ) ઠોકર એટલે એ ફિલ્મ જેમાં મજાઝ લખનવીએ લખેલી વિખ્યાત નઝ્મ ‘ ઐ ગમે દિલ ક્યા કરું ઐ વહશતે દિલ ક્યા કરું ‘ તલત મહેમૂદ સાહેબે ગાયેલી. એ નઝ્મનું આશા ભોંસલેના અવાજમાં પણ એક સુમધુર સંસ્કરણ હતું. એનો મુખડો એ જ તલત વાળો પરંતુ અંતરા નોખા હતા. એ અંતરા હર્ષ ટંડન જી એ લખેલા.

ઠોકર ફિલ્મની આ ગઝલ એ હર્ષ ટંડને ફિલ્મો માટે લખેલી ( ઉપરોક્ત નઝ્મ ઉપરાંત ) એકમાત્ર રચના –

કુછ તુમ જો કહો હમ સે તો કુછ તુમ સે કહેં હમ
ખુલ જાએં સભી રાહેં મુહબ્બત કી ઈસી દમ

ઝુલ્ફોં કો ઝટક કર તેરે પહલુ સે જો ચલ દૂં
અરમાન પુકારેં તેરે ‘ થમ થમ ‘ જરા ઝાલિમ

સાગર મેં ભિગો કર જો નઝર ડાલ દૂં તુજ પર
રંગીન હો દુનિયા તેરી ઘુલ જાએં તેરે ગમ

હમ એક અદા મેં કભી લે લેતે હૈં જાં ભી
ખુશ હોં તો દિખા દેતે હૈં જન્નત ભી યહીં હમ

( હમ – કાફિયા હમ – રદીફ પ્રકારની ગઝલ )

– ફિલ્મ : ઠોકર ૧૯૫૩
– આશા ભોંસલે
– સરદાર મલિક

ભગવાન થાવરાણીનો સંપર્ક bhagwan.thavrani@gmail.com વીજાણુ ટપાલ સરનામે કરી શકાય છે.