ડૉ. ભુપેન હઝારીકા

સંગીતની કેડીએ જિપ્સીનો વિસામો

આજથી આઠ દસ વર્ષ પહેલાં કેપ્ટન નરેન્દ્રભાઈ ફણસેએ તેમના બ્લૉગ પર તેમના ‘અસામાન્ય અનુભવો’ની યાદો ટપકાવતાં ટપકાવતાં હિંદી ફિલ્મોનાં ગીતોને પોતાની તદ્દન આગવી રીતે યાદ કર્યાં હતાં. તેમની એ યાદોને તેમણે ‘સંગીતની કેડીએ’, ‘જિપ્સીનો વિસામો’ જેવાં શીર્ષકો હેઠળ સાંકળી લીધેલ હતી.

એ લેખો ગીત અને વિષય વૈવિધ્યની દૃષ્ટિએ તો ફરી ફરીને વાંચવાનું મન થાય જ છે, પણ તેની સાથે એ ગીતો સાથે તેમની યાદો અને વિચારોને પણ જાણવા માણવાની અનેરી મજા છે.

કેપ્ટન સાહેબની સહમતિથી એ લેખો પૈકી કેટલાક લેખો આપણે વેબગુર્જરી પર દર મહિનાના ત્રીજા શનિવારે રજૂ કરીશું.

સંપાદક મંડળ, વેબ ગુર્જરી

ડૉ. ભુપેન હઝારીકા

ડૉ. ભુપેન હઝારિકા (૮-૯-૧૯૨૬ થી ૫-૧૧-૨૦૧૧)ની જન્મ શતાબ્દીની ઉજવણી રૂપે Inland Waterways Authority of India દ્વારા શરૂ કરાયેલા આ વર્ષ દરમ્યાન ચાલનારા કાર્યક્રમો દ્વારા ડૉ. હઝારિકાનાં સંગીત અને કાર્યક્રમો વડે આસામની સંસ્કૃતિ અને નદીઓ સાથેનાં ઘનિષ્ઠ જોડાણને અંજલિ અપાશે..

કેપ્ટન નરેન્દ્ર ફણસેનો ડૉ. ભુપેન હઝારિકાની અંજલિ સ્વરૂપ લેખ તેમના બ્લૉગ પર ૭ નવેંબર ૨૦૧૧ના રોજ પ્રકાશિત થયેલો.

કેપ્ટન નરેન્દ્ર ફણસે

ગુવાહાટીમાં યોજાયેલા જાહેર કાર્યક્રમમાં ગાયક તન્મયતાથી ગાઇ રહ્યા હતા. વરસતા વરસાદમાં શ્રોતાઓ એટલી જ તન્મયતાથી સાંભળી રહ્યા હતા. કાર્યક્રમ પૂરો થવાની જાહેરાત કરવા કાર્યક્રમના સંચાલક સ્ટેજ પર આવ્યા, ત્યારે તેમની પાસે ‘ફક્ત એક ખાસ ગીતની ફરમાએશ આવી. સંચાલકે સહી જોઇ, ચિઠ્ઠી મોકલનાર તરફ જોયું, માનથી ગરદન હલાવી અને તરત ગાયક પાસે ગયા. વિનંતિ રજુ થઇ અને ગાયકે આસામીયામાં ગીત ગાયું, ‘મોઇ એતી જાજાબોર..’

ગાયક હતા ડૉ. ભુપેન હઝારીકા. ફરમાયેશ મોકનાર હતા ભારતના તે સમયના પ્રધાન મંત્રી અટલ બિહારી વાજપેયીજી. વાહ તે ગાયક અને વાહ તેમના ચાહક!

જિપ્સી ભુપેનદાને અંજલિ આપવા માટે લેખ લખવા બેઠા અને તેમના મિત્ર શ્રી. ગજાનન રાવલે તેમને બિરેન કોઠારીએ તેમના પોતાના બ્લૉગમાં લખેલ લેખ, ઘેઘૂર કંઠના સ્વામીની વિદાય તરફ ધ્યાન દોર્યું. બિરેનભાઇના ચિત્રફલક સમા એ લેખમાંથી ભુપેન’દાનાં ગીતોનો આંશિક રંગપટ અહીં પ્રસ્તુત કરેલ છે.

૧૯૮૮માં દૂરદર્શન પર પ્રાઈમ ટાઈમમાં આવતી ‘લોહીત કિનારે’ના શીર્ષક ગીત