જીત્યું હમેશાં ગુજરાત

પણ હાર્યું ના કોઈ’દી ગુજરાત
હે જીત્યું, જીત્યું હમેશાં ગુજરાત
હો રાજ મારું જીત્યું હમેશાં ગુજરાત 

ઝૂક્યા પહાડો ને ઝૂકી આ નદીયું
પણ ઝૂક્યું ના કોઈ’દી ગુજરાત
હો રાજ મારું જીત્યું હમેશાં ગુજરાત

હો રાજ મારું, જીત્યું હમેશાં ગુજરાત

હો બેઠી બજારો ને મીલોના ભૂંગળા
પણ ઊભું અડીખમ ગુજરાત
હો રાજ મારું, જીત્યું હમેશાં ગુજરાત

ધણણણ ધણણણ ધણણણ ધરણી આ ધ્રૂજે
કે આભલા ઝળૂંબે પણ
ડગે ના કોઈ’દી ગુજરાત
હો રાજ મારું, જીત્યું હમેશાં ગુજરાત

હાર્યા ના ગાંધી ના હાર્યા સરદાર
એમ હાર્યું ન કોઈ’દી ગુજરાત
હો રાજ મારું,જીત્યું હમેશા ગુજરાત
હો રાજ મારું,જીત્યું હમેશાં ગુજરાત

દુનિયાના નિતનવા નારાની સામે
ના હારે આ દિલનો અવાજ
એવો સુણીને દલડાનો સાદ
હો રાજ મારું જીત્યું હમેશાં ગુજરાત

હાં હાં રે મારું જય જય, જય ગરવી ગુજરાત
હાં હાં રે મારું જય જય, જય ગરવી ગુજરાત
હાં હાં રે મારું જય જય, જય ગરવી ગુજરાત..
મારું ગુજરાત..!

————-મનિષ ભટ્ટ…