લુત્ફ-એ-શેર: મણકો # ૫૦

આમ જ એકવાર રેડિયો પર ‘ નિકાહ ‘ ફિલ્મના અભિનેત્રી સલમા આગાનો ઈંટર્વ્યુ આવી રહ્યો હતો. અંતમાં ઉદ્ઘોષકે એમને એમના પ્રિય શેર વિષે પૂછ્યું અને એ ફટાફટ દસેક શેર બોલી ગયા ! દરેક શેર આલાતરીન અને એના પરથી આ અભિનેત્રીની સાહિત્યિક અભિરુચિનો અણસાર મળતો હતો. એ બોલ્યા એમાંનો એક શેર હું માંડ ટપકાવી શક્યો. પછીથી ખબર પડી કે એ શેર અંજૂમ ખયાલી સાહેબનો હતો. અસલી નામ મોહમ્મદ અમીન. જન્મ પાકિસ્તાન, વસવાટ ઈંગ્લેંડ અને ત્યાં જ દેહાંત.

એમની વિચારસરણી જૂઓ :

બાઝ  વાદે  કિયે  નહીં  જાતે

ફિર ભી ઉનકો નિભાયા જાતા હૈ..

( બાઝ = કેટલાક )

અને આ પણ :

મુજે  કુછ  દેર  રુકના ચાહિયે થા

વો શાયદ દેખ હી લેતા પલટ કર..

અને હવે એમનો એ શેર જે સલમા આગા સાહિબાના મુખે સાંભળેલો અને સાંભળતાં વેંત દિલમાં વસી ગયેલો :

ક્યારેક એવું લાગે કે કોઈક છે જે સાથે ને સાથે ચાલે છે. પડછાયો તો એ નથી જ કારણ કે રાત અંધારી છે. તો પછી એ કોણ છે ? વડવાઓમાંથી કોઈકનો આત્મા ? કોઈક એવો પ્રેમ જેની ઉપેક્ષા થઈ ગઈ હતી ? ગુજરી ચુકેલી માડી જેની જીવતે-જીવત કદર નહોતી કરી ? સારા દિવસોનો કોઈ મિત્ર ? કે પછી પોતાની જ બેચેની ?

દરેકના સંગી પડછાયા અલગ માટે જવાબ પણ નોખા ..