ઓ મારી નાનકડી પરી !

પહેલી પેઢીના ત્રીજી પેઢી સાથેના થતા રહેતા સંવાદનું એક ખાસ પાસું પૌત્રીના લાભપાંચમના દિવસે આવતા જન્મ દિવસ નિમિત્તે દાદાદાદીએ લખેલ આ પત્રમાં ઉઘડે છે.

પૌત્રી આ પત્રમાંની ભાવનાઓ સમજી શકે તેવડી મોટી થશે ત્યારે આ પ્તર તેના વાંચવામાં આવશે કે નહીં તે આ ઘડીએ મહત્ત્વનું નથી બની રહેતું. પરંતુ નવી પેઢીના વિકાસ સમયે દરેક પગલે આગલી પેઢીને જે જે અનુભૂતિઓ થતી હશે તેનું અહીં પ્રતિબિંબ પડે છે.

-સંપાદકો – વેબ ગુર્જરી


દર્શા કિકાણી

જોતજોતામાં બે વર્ષ વીતી ગયાં, તને ધરતી પર આવ્યાને!

બહુ રાહ જોવડાવીને આવ્યાં છો, તમે! 

તમે તો મારા દેવના દીધેલ છો,
તમે મારા માંગીને લીધેલ છો !

તારી બીજી વર્ષગાંઠ લાભપાંચમના દિવસે આવી છે. લાભપાંચમ એ જ્ઞાનપાંચમ તરીકે પણ ઓળખાય.  આપણા કુટુંબ ઉપર પહેલેથી દેવી સરસ્વતીનું વરદાન છે ! એટલે ખૂબ ખૂબ ભણો એવા દિલથી આશીર્વાદ.

આજે સવારે શીરો બનાવી, દીવો કરી, ભારતીય સંસ્કૃતિ મુજબ તારી મમ્મી તારી વર્ષગાંઠ ઊજવશે. અને સાંજે કેક અને  કેન્ડલ સાથે પાશ્ચાત્ય સંસ્કૃતિ મુજબ તારી વર્ષગાંઠ ઊજવાશે. ભારતની સંસ્કૃતિમાં દીવો પ્રગટાવવાનું, પ્રકાશ ફેલાવવાનું મહત્ત્વ છે. પશ્ચિમની સંસ્કૃતિમાં કેન્ડલ બૂઝાવી અંધકારને અપનાવવાની સમજ છે. દીકરા, બંને સંસ્કૃતિનું સુભગ મિલન તારે કરવાનું છે. આપણી ભારતીય સંસ્કૃતિને ભૂલવાની નથી, પણ સાથે સાથે નવી કોઈ પણ વસ્તુ સારી હોય, ગમતી હોય અને ઉપયોગી હોય તો તેને સ્વીકારવાની ઓપન સંસ્કૃતિ તારે જાતે જ ડેવલપ કરવી પડશે. દુનિયા બહુ જ જલ્દી બદલાઈ રહી છે એટલે જેટલી ત્વરાથી બદલાવ સ્વીકારીશ  તેટલી જ આગળ  વધી શકીશ. પણ, એવું કરવામાં તારી પોતાની સંસ્કૃતિ અને પોતાના સંસ્કાર ભૂલીશ નહીં.

ઉતરાણનો પતંગ તો તને કયાંથી યાદ હોય? આ ઉતરાણ પર ફરી બતાવીશ. દોરીથી ફિરકી સાથે બંધાયેલો પતંગ ઢીલ અને હવા  મળતાં આખા ખુલ્લા આકાશમાં લહેરથી ફરી વળે છે. પણ એ જ દોરીને બંધન માનીને તેનાથી છૂટી ગયેલો પતંગ આકાશમાં ક્યાંય ખોવાઈ જાય છે તેની ખબર પણ પડતી નથી. એટલે પોતાની સંસ્કૃતિથી બંધાયેલ રહેજે અને તક અને મોકા રૂપી ઢીલ અને હવા  મળતાં ખુલ્લા આકાશમાં મન મૂકીને ઊડજે. ઈશ્વર તને રિદ્ધિ અને સિદ્ધિનું  ખુલ્લું અને મોકળું ગગન આપે તેવી શુભેચ્છા.

તને ખબર છે તારી વર્ષગાંઠ તું  કોની કોની સાથે શેર કરે છે?  પહેલાં છે આપણાં લોકલાડીલા નેતા અને પૂર્વ વડાપ્રધાન શ્રીમતી ઈન્દિરા ગાંધી.  બહુ કાબેલ અને  મુત્સદ્દી  એવાં એ જાજરમાન મહિલા સાથે વર્ષગાંઠ શેર કરવાનો નાતો ભારે હોશિયારી  માંગી લે! 

બીજાં છે ઝાંસીની રાણી લક્ષ્મીબાઈ!  બહાદુરીનું બીજું નામ!  આખી દુનિયા પર જેમનું રાજ ચાલતું  તેવા અંગ્રેજો સામે પણ તે ઝૂકી નહીં અને ‘ અપની ઝાંસી નહી દૂંગી’ કહીને તે અંગ્રેજો સામે પણ લડી.  આવી બે બે વીરાંગનાઓનો વારસો નિભાવવાનો છે તારે!  થોડી મોટી થઈ બંન્નેની જીવન કથા વાંચજે. પણ, તારો રસ્તો તો તારે જ બનાવવાનો છે!

આ સિવાય વિશ્વસુંદરીઓ ઝિન્નત અમાન અને સુષ્મિતા સેનની વર્ષગાંઠ પણ આ જ દિવસે આવે છે. પણ બહારની સુંદરતા પાછળ પાગલ થવાં કરતાં હિંમત, આત્મવિશ્વાસ અને કરૂણારૂપી અંદરના સૌંદર્યને સમૃદ્ધ કરજે અને તેને જ શણગાર બનાવજે, જે તને લાંબો સાથ આપશે.

અમારા મમ્મી-પપ્પાએ અમને પોતાની ક્ષમતાથી વધુ વસ્તુઓ આપી ઉછેર્યાં અને અમે પણ તારા પપ્પાને એટલે કે અમારા દીકરાને એ જ રીતે ઉછેર્યો. તારી મમ્મીને પણ તારા નાના-નાનીએ એ જ રીતે ઉછેર્યાં. તારા મમ્મી-પપ્પા પણ તને બહુ જ પ્રેમથી અને પૂરા લાડકોડથી ઉછેરશે, પણ આજનો  તડક-ભડકવાળો જમાનો બાળકો સામે   એટલા બધા વિકલ્પો ધરી દે છે કે બાળકોને ક્યારેય સંતોષ થતો નથી અને તે અસંતોષનો શિકાર થઈ જાય છે અને ‘લાવો લાવો’ કર્યા જ કરે છે. તું તો ઘણી નાની છે, પણ મોટી થાય, સમજતી થાય, ત્યારે જરૂરિયાત અને માંગણી વચ્ચેનો તફાવત સમજજે અને કાયમી  અસંતોષમાંથી મુક્ત રહેજે. ખરેખર તો જરૂરિયાતની વસ્તુ મેળવવા માટે પણ પહેલા તેને લાયક બનજે,  યોગ્યતા કેળવજે. જરૂરી વસ્તુ તો સામેથી જ આવીને મળશે. આજના જમાનામાં સંતોષ મોટું ધન છે, બાકી તો વસ્તુઓના ખડકલા  કર્યા છતાં માણસ સુખી નથી. તું ખૂબ ખૂબ સુખી થાય તેવી અમારી અંતરની શુભેચ્છાઓ.

અમે જોઈએ જ છીએ કે તને ચોપડીઓ વાંચવાનો બહુ જ શોખ છે. આટલી નાની તું કેટલી સરસ રીતે પાનાં ફેરવીને કેટલી ઉત્સુકતા અને જીજ્ઞાસા સાથે ચોપડીઓ જુએ અને વાંચે છે! કપડાં કરતાં ચોપડાંનું મૂલ્ય ઘણું વધારે છે તે જલ્દી જ સમજી જજે! સરસ ચોપડીઓ વાંચજે અને બહાર  ખુલ્લામાં રમજે. જીવનમાં ભણવાની સાથે ખેલકૂદનું પણ એટલું જ મહત્વ છે. અરે! રમવું એટલે કોમ્પ્યુટર  ગેમ્સ રમવી એવું નહીં! રમવું એટલે ખેલકૂદ, દોડાદોડી, ફૂટબોલ, ક્રિકેટ જેવી રમતો રમવી કે જેમાં શરીરને અને મનને કસરત મળે. ગમે તો સ્વિમિંગ પૂલમાં પણ જઈ શકાય. અને ખેલકૂદ તો આપણને વારસામાં મળી છે! એટલે સ્પોર્ટ્સમાં તો ભાગ લેજે જ. શરીરને સ્વસ્થ અને તંદુરસ્ત રાખજે અને તાકાતવાન બનજે. શરીરને સ્વસ્થ રાખવું જ પડે અને એટલી તાકાત કોઈપણ દીકરીએ કેળવવી જ જોઈએ કે જેથી તે સ્વરક્ષણ કરી શકે અને  કોઈપણ સંજોગોમાં બળજબરીથી કોઈ તેનો માનસિક કે શારીરિક લાભ તેની મરજી વિરુદ્ધ ઉઠાવી શકે નહીં. આશા રાખું કે તું સ્વરક્ષણ કરવા જેટલી તાકાત તો કેળવી જ લઈશ.

આ સાથે ભણી-ગણીને આર્થિક રીતે પગભર થજે.  આજના સમયમાં, આવતા સમયમાં કે કોઈ પણ સમયમાં, પોતાના વિચારોમાં સ્વતંત્ર રહેવું હોય તો આર્થિક રીતે પગભર થવું જ પડે. કોઈની ઉપર આર્થિક બોજ બનીને તમે તમારી સ્વતંત્રતા માણી શકો નહીં.

ઘણાંને તારામાં મારી છબી દેખાય છે. હું પણ મારી દાદીની  કોપી છું એમ લોકો કહેતાં. જો કે કોઠાસૂઝવાળા એ દાદીમાના  પેંગડામાં હું પગ  નાખી શકું  તેવી મારી તાકાત ક્યાં? જ્યારે પણ બાળક નાનું હોય ત્યારે સગાં-વહાલાં અને મિત્રો તો એમ કહે. પણ તું તારો સમય, તારું નસીબ અને તારી  આવડત લઈને આ ધરતી પર આવી છે. તારાં સમય, નસીબ અને આવડત તને ભરપૂર સાથ આપે અને તું આગળ અને આગળ વધે તેવી અમે શુભેચ્છાઓ પાઠવીએ છીએ.

બીજા જન્મદિનની પ્રેમથી તરબોળ શુભેચ્છાઓ!

હેપ્પી બર્થડે!

દાદા અને અમ્મા


સંપર્ક : દર્શા કિકાણી : ઈ –મેલ – darsha.rajesh@gmail.com

Author: Web Gurjari

32 thoughts on “ઓ મારી નાનકડી પરી !

  1. વાહ, ખૂબ સુંદર રીતે દાદા-દાદીની ભાવનાઓનું આલેખન ઉપરોક્ત લેખમાં કરવામાં આવ્યું છે. ચિ, આદ્યા (પરી)ને અમારા ખૂબ ખૂબ આશીર્વાદ.

    1. શોભા, આશીર્વાદ માટે ખૂબ ખૂબ આભાર! તમારા આશીર્વાદ તો કાયમ અમારી સાથે છે! કદાચ ઘણાં દાદા દાદી પોતાની પૌત્રી માટે આવા જ આશીર્વાદ આપતાં હશે એમ માની આ ઓપન લેટર છે!

  2. Very well expressed Darshaben! Aadhya will cherish to read this many times when she’s able to read & understand the content.
    I m sure she will inherit all the best qualities of dada-dadi & Parrth & Roshni.
    God bless her on her 2nd birthday!
    May God give her happy, healthy & long life.

    1. Thank you very much for your wishes, Gitaben! Yes, Parth and Reshma are putting in their best so that Aadya grows up as a healthy and happy human being! 💗

  3. So beautifully worded Darshaben! …. Roots and wings… Roots of our culture and wings of 21st-century skills… a very balanced view of the world and great growing up tips … loved it.. God bless our child 🎉

    1. Very well said, Heenaben! Roots and wings …. two very important things for balanced growth of a child. Thank you very much 🥰❤️ for your blessings!

  4. Golden words to the grand daughter, Darshaben. How beautifully expressed , the key values – to soar in the sky, and to be grounded ..she is surely having her best friend in you!

    1. Thanks, Ami! We have grown up believing in certain values and morals. We expect our grand children to know that… They have to make their own choice!

  5. Wonderful birthday wishes from Dearest Dada Amma to princess aadya 🥰🥰😍😍& just amazing words expressions 🙏🙏👏👏. Love 💕 it
    Stay blessed lill Aadya 😍🥰

  6. Darsha,
    Beautiful article written by your heart for our lovely Aadhya/Pari. ❤️❤️. She will be soo happy to read and enjoy the feelings of Dadi & Dada in near future.

    Shree Krishna Bless her now and forever.

    Again, Happy Birthday to Pari!

    Mala & Jayendra

  7. બહુ જ સુંદર પત્ર. પરી મોટી થઈને જો ગુજરાતી શીખીને વાંચશે તો તમારા એક એક શબ્દે નીતરતું વ્હાલ પામશે. તમારાં કુટુંબમાં જન્મીને નશીબવાન થઈ છે. સરસ્વતી અને લક્ષ્મી બંનેની કૃપા એના પર હજો એવા આશિષ. ❤️

    1. Thank you very much, Jagruti! We have grown up believing in certain values and morals. We can express those feelings. She has to make her choice!

  8. દાદીનો જન્મદિનના આશીર્વાદ અતિ સુંદર પાત્ર। ખુબ નસીબદાર પૈત્રીનેં આવો પાત્ર મળે.
    જેમ પંડિત જવાહરલાલ નેહરુએ પત્રલેખનથી દીકરીના શિક્ષણ અને ઘડતરની વિશિષ્ટ અને અનન્ય ફાળો આપેલો, તેવીજ રીતે
    શ્રીમતી ઈન્દિરા ગાંધી ના જન્મદિવસે જન્મેલી પૌત્રી આ લાભ અને તક માણે છે.
    તેનું જીવન હંમેશા હૂંફ, પ્રેમ અને વડીલોનાં આશીર્વાદથી ભરપૂર રહે। જન્મદિનની ખુબ ખુબ શુભેચ્છાઓ…

    1. તુષારભાઈ, આપનો ખૂબ ખૂબ આભાર!

      We have grown up believing in certain values, morals and beliefs. We want our youngsters to know these values. Final choice she has to make!

  9. So beautifully written with so much emotions! Loved it! Our very best to Pari. Lots of hugs and kisses…

  10. Wah wah Darshaben , Khub Sunder Shabdo thi parovelu vahalbharyu najranu. Vanchvani and anubhavvani , kahu to shabdo ne vagolvani Maza aavi.
    Lagyu and Samzayu ke tamari navi Kruti ke book vanchya ne samay thai gayo. Kadach aapne malya ne pan ……

    Lots of love to Aadya.
    Namaste

    1. Thanks, Vibhuti! This is an open letter, which expresses love and emotions of all grand parents for their grandchildren! They will live in a different world, they will have to make different choices and they will walk on different paths. But feelings and emotions will remain same!

  11. વાહ, ખુબ સુંદર સંદેશ. ગુજરાતી માત્રુભાષા છે એટલે આધ્યા ને જરૂર વાંચવા ની મજા આવશે. બે વર્ષ ની વર્ષગાંઠ નિમિત્તે ખુબ
    શુભાશિષ. કોરોના ને કારણે આ બાળકોને તેમનું બાળપણ ઘરમાં કેદ થઈ ગયું છે ત્યારે આવા સુંદર સંભારણા તે જ્યારે સમજી શકે ત્યારે ખુબ યાદગાર રહેશે.
    દાદા-દાદી અને પાર્થ-રેશમા ને પણ ખુબ અભિનંદન.

    1. Thanks, Manishbhai!
      I am sure, she will read and respond to the feelings of the letter in due course of time.

  12. આશીર્વાદની અભિવ્યક્તિ અને રીત ખૂબ જ સુંદર છે. પરીને જન્મદિવસની ખૂબ ખૂબ શુભેચ્છાઓ 🍫🍫🎂🎂🍦🍦🎊🎊🎊

    1. સ્વેતલ, તમને અને નિષ્ઠાને ખૂબ યાદ કર્યાં… પત્ર દરેક દીકરી માટે છે! તમે વાંચીને નિષ્ઠાને સમજાવજો.

  13. What a lovely way tovtalk to next-gen by a letter.
    Jawaharlal Nehru did write to Indira Gandhi from jail.
    You r country apart but real living guidance to a little grand child.
    Hasmukh

    1. Thank you very much 🥰, Hasmukhbhai! We have to keep up the communication with the youngsters! We can only guide them, they have to take the final call!

  14. Darshaben,
    Dadima ni feeling very nicely jotted as a very good letter which Adhya can keep as present from her Great Grandma & great great Dadima ( Hansaba)

    1. Thank you very much, Paresh! 🥰💗
      Yes, what can we gift them except love and care, wishes and blessings?

Leave a Reply

Your email address will not be published. Required fields are marked *